ⵉⵎⵓⴽⵔⵉⵙⵏ ⵏ ⵡⴰⴷⴰⴼ ⵏ ⵜⵎⴰⵣⵉⵖⵜ ⴳ ⵓⵙⵖⵏⵓ ⵏ ⵜⵎⵔⵙⴰⵍ ⵜⴰⵎⵏⵣⴰⵖ : ⵜⴰⵖⵓⵔⵉ ⵉ ⵉⵎⴰⵙⴰⵢⵏ.
محمد اكنيض
ⵜⴳⴰ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵙⴳ ⵉⴼⵔⴷⵉⵙⵏ ⵉⵙⵉⵍⴰⵏ ⵏ ⵜⵎⴰⴳⵉⵜ ⵜⴰⵎⵖⵔⵉⴱⵉⵜ, ⵜⴽⵛⵎ ⴳ ⵓⵙⵖⵏⵓ ⵏ ⵜⵎⵔⵙⴰⵍ ⵜⵉⵎⵏⵣⴰⵖ ⴰⴼⴰⴷ ⴰⴷ ⵜⵙⴱⵓⵖⵍⵓ ⴰⵙⵍⵎⴷ ⵜⵙⴼⴰⵍⴽⵉ ⴰⵖⵓⴷⵓ ⵏⵏⵙ. ⵡⴰⵅⵅⴰ ⵎⴽⴰⴷ, ⵉⵎⵍⴰⵡⴰⵢ ⵓⵙⵖⵏⵓ ⵢⴰⴷ ⴷ ⴽⵉⴳⴰⵏ ⵏ ⵉⵎⵅⵓⵎⴱⴰⵔⵏ ⴷ ⵉⵎⵓⴽⵔⵉⵙⵏ ⴰⵔ ⵜⴳⴳⴰⵏ ⵜⵉⴼⵉⴽⴰⵢ ⵉ ⵓⴳⵓⵍⵓ ⵏ ⵉⵡⵜⵜⴰⵙⵏ ⵏⵏⵙ.
ⵢⴰⵏ ⵙⴳ ⵉⵎⵓⴽⵔⵉⵙⵏ ⵏⵏⴰ ⵉⵥⵕⵕⴰ ⵡⴰⴷⴰⴼ ⵏ ⵜⵎⴰⵣⵉⵖⵜ ⴳ ⵓⵙⵖⵏⵓ ⵏ ⵜⵎⵔⵙⴰⵍ ⵜⵉⵎⵏⵣⴰⵖ ⵉⴳⴰⵜ ⵜⴰⴷⴰⵍⴰ ⵏⵉⵥⵍⵉⵏ ⵙ ⵓⵙⵍⵎⴰⴷ ⵏ ⵜⵎⴰⵣⵉⵖⵜ ⵓⵔ ⵜⵍⵍⵉ. ⴰⵢⴰⴷ ⴰⵔ ⵉⵜⵜⴰⵡⵉ ⵙ ⵓⵏⵎⴰⵔ ⵏ ⵓⵙⵙⵏⴽⴷ ⵏ ⵜⵉⵔⴰⵎ ⵙ ⵜⴱⵔⵉⴷⵜ ⵜⴰⵎⴷⴷⴰⴷⵜ.
ⴷ ⵉⵙⵙⵎⵔⵙⵏ ⵏ ⵡⴰⴽⵓⴷ ⴰⵡⴷ ⵏⵜⵏⵉ ⴳⴰⵏ ⵢⴰⵜ ⵜⵎⵓⴽⵔⵉⵙⵜ ⵢⴰⴹⵏⵉⵏ ⵏⵏⴰ ⵉⵜⵜⴷⴷⵔ ⵡⴰⴷⴰⴼ ⵏ ⵜⵎⴰⵣⵉⵖⵜ ⴳ ⵓⵙⵖⵏⵓ ⵏ ⵜⵎⵔⵙⴰⵍ ⵜⵉⵎⵏⵣⴰⵖ.
ⴰⵛⴽⵓ ⴰⵔ ⴰⵙ ⴰⴽⴽⴰⵏ ⵢⴰⵏ ⵓⵣⵎⵣ ⵓⵔⴷ ⵢⵓⵙⵉⵏ ⴷ ⵜⵉⵔⴰⵎ ⵏⵏⴰ ⵉⵍⵍⴰ, ⵎⴰⵢⴰⵏ ⴰⵔ ⴷ ⵉⵜⵜⴰⵡⵉ ⵉ ⵓⵙⵍⵎⴰⴷ ⴰⵔ ⴽⵉⵖ ⵓⵔ ⵉⵙⵙⵏⴽⴷ ⵜⴰⵎⵙⵉⵔⴷⵜ ⵏⵏⵙ ⵙ ⵜⴱⵔⵉⴷⵜ ⴷ ⵢⵓⵙⴰⵏ.
ⴰⵡⴷ ⵉⵎⴰⵙⵙⵏ ⵉⴷⵉⴷⴰⴽⵜⵉⵢⵏ, ⵓⵔ ⵍⵍⵉⵏ ⴷⴰⵔ ⵉⵙⵍⵎⴰⴷⵏ, ⴷ ⵓⵔ ⵍⵍⵉⵏⵜ ⴰⵡⴷ ⵜⴷⵍⵉⵙⵉⵏ ⵏⵏⴰ ⵙ ⵔⴰⴷ ⵉⵙⵡⵓⵔⵉ ⵓⵙⵍⵎⴰⴷ, ⴰⵢⴰⴷ ⴰⴼ ⵉⵛⵇⵇⴰ ⵅⴼ ⵓⵙⵍⵎⴰⴷ ⴰⴷ ⵉⵙⵙⵍⴽⵎ ⵓⵎⵍⴰⵏ ⴷ ⵓⵙⵎⵏⵉⴷ ⵏ ⵜⵉⵍⴰⵍ ⵙ ⵜⵖⴰⵔⴰⵙⵜ ⵉⵥⵉⵍⵏ.
ⴰⵔ ⵜⵜⴻⵜⵜⵔⵏ ⵉⵙⵍⵎⴰⴷⵏ ⵉⴼⵙⵙⴰⵢⵏ ⵉⵎⵖⴰⵡⴰⵍⵏ ⵙⴳ ⵉⵎⴰⵙⴰⵢⵏ ⴷ ⵙⴳ ⵡⵉⴷⴰ ⵢⵓⵙⵉⵏ ⴰⵏⵣⴳⵓⵎ ⵉ ⵉⴳⵔ ⴰⵙⴳⴰⵎ ⴰⵎⴰⵣⵉⵖ. ⵉⵇⵇⴰⵏⴷ ⴰⴷ ⵜⵉⵍⵉ ⵜⴷⴰⵍⴰ ⵉⵥⵍⵉⵏ ⵓ ⵓⵙⵍⵎⴰⴷ ⴰⵎⵥⵍⴰⵢ, ⴷ ⵉⵙⵙⵎⵔⵙⵏ ⵏⵡⴰⴽⵓⴷ ⵉⵙⴳⵎⴰⵏ ⴷ ⵢⵓⵙⴰⵏ ⴷ ⵜⵉⵍⴰⵍ ⵏ ⵜⵎⴰⵣⵉⵖⵜ, ⴷ ⵉⵎⴰⵙⵙⵏ ⵉⴷⵉⴷⴰⴽⵜⵉⵢⵏ ⵏ ⵓⵙⵍⵎ.
ⴰⵔ ⵏⵜⵜⴻⵜⵜⵔ ⵙⴳ ⵉⵎⴰⵙⴰⵢ ⴰⴷ ⵙⵡⵓⵔⵉⵏ ⵅⴼ ⵉⵎⵓⴽⵔⵉⵙⵏ ⴰⴷ ⴷ ⵓⵖⵓⴷⵓ ⵏ ⵓⵙⵍⵎⴷ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵍⵎⵖⵔⵉⴱ.
