ⵜⴰⵙⵏⵏⵉⵖⵜ ⵏ ⴹⴰⵕ ⵍⵊⴰⵎⵉⵄⵉ ⴳ ⵎⴽⵏⴰⵙⵜ ⴷ ⵜⵉⵍⴰⵍⵜ ⵏⵏⵙ ⴳ ⵜⵓⴳⴳⵓⵣⵜ ⵏ ⵜⴰⵢⵙⵉ ⵜⴰⵥⴰⵡⴰⵏⵜ ⵜⴰⵎⴰⵣⵉⵖⵜ.
محمد أكتيض : مكناس
ⵜⴳⴰ ⵜⵙⵏⵏⵉⵖⵜ ⵏ ⴹⴰⵕ ⵍⵊⴰⵎⵉⵄⵉ ⴳ ⵉⵖⵔⵎ ⵏ ⵎⴽⵏⴰⵙ ⵢⴰⵜ ⵙⴳ ⵉⴷⵖⴰⵔⵏ ⵏ ⵜⴰⵢⵙⵉ ⴳ ⵍⵎⵖⵔⵉⴱ, ⴷⴰ ⵉⵙⵎⵓⵏⵓ ⵉⵏⴳⵔ ⵓⵖⵓⴷⵓ ⵏ ⵓⵥⴽⴽⴰ ⴰⵎⵣⵔⴰⵢ ⴷ ⵡⴰⵜⵉⴳ ⵏ ⵜⴰⵢⵙⵉ ⵜⴰⴷⵍⵙⴰⵏⵜ ⴷⴰ ⵉⵍⵍⴰⵏ ⴳ ⵓⴳⵏⵙ ⵏⵏⵙ.
ⵉⵜⵜⵓⵚⴽⴰ ⵓⵥⴽⴽⴰ ⵢⴰⴷ ⴳ ⵜⴳⵉⵔⴰ ⵏ ⵜⵙⵓⵜ ⵜⵉⵙ ⵎⵔⴰⵡⵜ ⵙ ⵉⴼⴰⵙⵙⵏ ⵉⵎⵖⵔⵉⴱⵉⵢⵏ, ⴰⵢⴰⴷ ⴰⴷ ⵢⵓⵊⵊⴰⵏ ⴰⵍⵍⵉⵖ ⵉⴳⴰ ⵢⴰⵏ ⵓⵎⴷⵢⴰ ⵉⵥⵉⵍⵏ ⵏ ⵜⵥⵓⵕⵉ ⴳ ⵜⵓⵚⴽⴰ ⵜⴰⴱⵍⴷⵉⵢⵜ ⵏⵏⴰ ⵙ ⵉⵜⵡⴰⵙⵙⵏ ⵙ ⵣⵍⵍⵉⵊ ⵉⴽⴽⵯⵔⵏ, ⴷ ⵜⵉⵙⴽⴰⵡⵉⵏ ⵉⴼⵓⵍⴽⵉⵏ, ⴷ ⵡⴰⴳⴳⵓⵔⵏ ⵏ ⵓⴽⵛⵛⵓⴹ ⵉⵙⴳⴳⵎⵏ, ⴷ ⵜⵓⵔⵜⵉⵜⵉⵏ ⵉⴼⵍⵓⵊⵊⴰⵏ.
ⵎⴰⵛⴰ ⴰⵜⵉⴳ ⵙ ⵜⵉⴷⵏ ⵏ ⴹⴰⵕ ⵍⵊⴰⵎⵉⵄⵉ ⵓⵔ ⵉⵍⵍⵉ ⵖⴰⵙ ⴳ ⵓⵖⵓⴷⵓ ⵏ ⵜⵓⵚⴽⴰ ⵏⵏⵙ, ⵉⵍⵍⴰ ⴳ ⵡⴰⵜⵉⴳ ⵏⵏ ⵢⴰⴽⴽⴰ ⴰⴼⴰⴷ ⴰⴷ ⵜⵖⴰⵎⴰ ⵜⴰⵢⵙⵉ ⵜⴰⵥⵓⵕⴰⵏⵜ ⵜⴰⵎⴰⵣⵉⵖⵜ, ⵉⴳⴰ ⵢⴰⵏ ⵓⴳⵊⴷⵉ ⴰⵙⵉⵍⴰⵏ ⴳ ⵜⵎⴰⴳⵉⵜ ⵜⴰⴷⵍⵙⴰⵏⵜ ⵜⴰⵎⵖⵔⵉⴱⵉⵜ, ⴳ ⵜⵙⵙⵏⵉⵖⵜ ⴰⴷ ⵏⵜⵜⴰⴼⴰ ⵜⵓⴳⵜ ⵏ ⵉⵎⴰⵙⵙⵏ ⵏ ⵓⵥⴰⵡⴰⵏ ⵉⵣⴰⵢⴽⵓⵜⵏ ⵏⵏⴰ ⵙ ⵙⵓⵡⵔⵉⵏⵜ ⵜⵎⵉⵣⴰⵔ ⵜⵉⵎⴰⵣⵉⵖⵉⵏ ⵜⴰⵙⵓⵜⵉⵏ ⴷⴰ ⵉⵣⵔⵉⵏ, ⵣⵓⵏⴷ ⵜⴰⵍⵍⵓⵏⵜ. ⵔⵔⵉⴱⴰⴱ, ⴰⴳⵏⵣⴰ, ⵜⵉⵇⴷⴷⴰⵃ, ⴱⵏⴳⵔⵉ, ⴷ ⵉⵎⴰⵙⴰⵏ ⵏ ⵓⵙⴼⵓⴳⵍⵓ ⵏⵏⴰ ⵉⵎⵎⴰⵍⴰⵏ ⴰⵣⴷⴰⵢ ⵏ ⵉⵎⴰⵣⵉⵖⵏ ⵙ ⵓⵥⴰⵡⴰⵏ ⵎⴰⵙ ⵉⴳⴰ ⵢⴰⵏ ⵙⴳ ⵜⵎⵢⵓⵔⵉⵏ ⵏⵏⵙⵏ ⵜⵉⵏⴰⵎⵓⵏⵉⵏ ⴷ ⵜⵙⴳⴷⴰⵏⵉⵏ.
ⵉⵜⵜⵓⴼⵙⴰⵔ ⴳ ⵓⴳⵯⵏⵙ ⵏ ⵜⵙⵏⵏⵉⵖⵜ ⴰⴷ ⴽⵉⴳⴰⵏ ⵏ ⵉⵙⵓⵙⵔⵏ ⴷ ⵡⴰⵔⵔⴰⵜⵏ ⴷ ⵜⵡⵍⴰⴼⵉⵏ ⵏ ⵓⵥⴰⵡⴰⵏ ⵏ ⵍⴰⵟⵍⴰⵚ ⴷ ⵔⵔⵉⴼ ⴷ ⵙⵓⵙ, ⴷⵉⴳⵙ ⴰⵎⵢⴰⵏⴰⵡ ⵏ ⵡⴰⵏⴰⵡⵏ ⵏ ⵜⵥⵓⵕⵉⵡⵉⵏ ⵜⵉⵎⴰⵣⵉⵖⵉⵏ ⵏⵏⴰ ⵉⴳⴰⵏ ⴰⵖⴱⴰⵍⵓ ⵏ ⵓⴳⴰⵔⴰⵣ ⵏ ⵜⵓⴳⵜ ⵏ ⵉⵏⵓⵥⴰⵕ ⴷ ⵉⵎⵔⵣⵓⵢⵏ. ⴷ ⴰⵔ ⵜⵙⵏⵎⴰⵍⴰ ⵜⵙⵏⵏⵉⵖⵜ ⴰⴷ ⵉⵖⴰⵡⴰⵙⵏ ⵉⵣⴷⵉⵏ ⵙ ⵓⵔⵣⵣⵓ ⴳ ⵓⴽⴽⵓⵙ ⴰⵔⴽⵎⴰⵎ, ⴷ ⵉⵙⵎⵓⵜⵜⴳⵏ ⵉⵙⴳⵎⴰⵏ ⵏⵏⴰ ⵉⵜⵜⴰⵡⵙⵏ ⵉ ⵉⵄⵔⵔⵉⵎⵏ ⵉⵎⴰⵢⵏⵓⵜⵏ ⴰⴷ ⵙⵙⵏ ⵙ ⵡⴰⵜⵉⴳ ⵏ ⵜⵥⵓⵕⵉ ⵜⴰⵣⴰⵢⴽⵓⵜ ⴷ ⵡⴰⵜⵉⴳ ⵏⵏⵙ ⴳ ⵓⵙⴱⴷⴷⵉ ⵏ ⵜⵎⴰⴳⵉⵜ ⵜⴰⵏⴰⵎⵓⵔⵜ.
ⴰⴷⴷⵓⵔ ⵏⵏⴰ ⵉⵍⴰⵏ ⴷⴰⵔ ⵜⵙⵏⵏⵉⵖⵜ ⵏ ⴹⴰⵕ ⵍⵊⴰⵎⵉⵄⵉ ⴳ ⵡⴰⵔⴰⵢ ⵏ ⵓⴽⴽⵓⵙ ⴰⵎⴰⵣⵉⵖ ⴰⵔ ⵉⵎⵎⴰⵍ ⵎⴰⵙ ⵉⴳⴰ ⵢⴰⵔ ⵜⵉⵍⴳⴳⵉⵜ ⵉⵏⴳⵔ ⵓⵎⵣⵔⵓⵢ ⴷ ⵜⵉⵍⵉⵜ, ⴷ ⵓⵙⴰⵢⵔⴰⵔ ⵉⵣⴷⴷⵉⵏ ⵉⵏⴱⴳⵉ ⵙ ⵉⵥⵓⵕⴰⵏ ⵏⵏⵙ ⵉⴷⵍⵙⴰⵏ, ⵉⵎⵍ ⴰⵙ ⵉⵎⵙⵙⵍⵉ ⵏ ⵡⴰⴽⴰⵍ ⴷ ⵓⵏⵍⵍⵉ ⵏ ⵜⵙⵓⵜⵉⵏ ⴷⴰ ⵉⵣⵔⵉⵏ.
